என்னோட எதிரி!

அவன் வந்துட்டுகிட்டு இருக்கான்! அவன்தாங்க என்னோட எதிரி! வரட்டும் வரட்டும் என்ன செஞ்சுருவானு பாக்கிறேன்! அவன் எல்லாம் என் முன்னாடி நிக்க முடியுமா! அவன்லாம் எனக்கு ஜுஜுபி மாதிரி!

நீங்களே சொல்லுங்க! நான் என்ன பண்ணேன்! அரசியல்வாதிகிட்ட அமைச்சர் பதவி கொடுத்துட்டு ஒழுங்கா இருன்னா இருப்பாங்களா! நான் மட்டும் ஒழுங்கா இருக்கணும்னா எப்படி? யார்தான் தப்பு செய்யலை! உங்களுக்கு புடிக்கலைன்னா நான் என்ன செய்ய முடியும்? என் சுபாவம் அப்படி! அதை போய் புடிக்கலைன்னா நான் இனிமே மாத்திக்கவா முடியும்.

அந்த மாதிரி இடத்தில நான் இருப்பேன்னு தெரியும்ல, சபலபட்டு வந்து யார் தப்பு! அது இவர் தப்பு! அப்புறம் என்னை புடிக்கலை, என்னால பிரச்சினைனா நான் என்ன செய்ய முடியும் சொல்லுங்க!

என்னால என் குணத்தை மாத்திக்க முடியாதுங்க! நான் என் இஷ்டம்போலத் தான் நடப்பேன். அதை இவர் பொறுத்தானே ஆகணும் அதை விட்டுட்டு எனக்கு எதிரா சதி செஞ்சா எப்படி?என்னை அழிக்க ஒருத்தனை வரவச்சிருக்காருங்க இவரு! இது நியாயமா சொல்லுங்க!

என்ன அழிக்க ஒரு எதிரியை இவரு கொண்டு வந்துட்டாரு! எனக்கு செம கடுப்பாயிருச்சு! என்னை அழிக்க ஒரு எதிரியா வரட்டும்! அவன் வரட்டும்! என்ன பண்ணுறான் நானும் பாக்கிறேன்!

பக்கத்தில வந்துட்டான் என்னோட எதிரி..... டேய்! எதிரி! வாடா வா! நீயெல்லாம் பெரிய ஆளா? என்னை வேணா நீ சாய்ச்சிடலாம், ஆனா என்னை மாதிரி எத்தனை பேர் இருக்காங்க தெரியுமா? உன்னால எல்லாரையும் சமாளிக்க முடியாது. டேய்! வாடா! நீயா நானா பார்த்திடலாம். நீயெல்லாம் எனக்கு சமமா! சொந்தமா ஒரு பேரை வச்சுக்க கூட துப்பில்ல! உன் பேர்ல பாதி என் பேரை வச்சிருக்க! நீயெல்லாம் என்னை அழிக்க வந்துட்ட! பேரைப் பாரு ஆண்டிவைரஸாம்! கொய்யால வாடா பாத்துறேன்...........